فۆنتی کوردی دابه زێنه ژماره ی سه ردان به خێربێن بۆ ماڵپه ڕی شاره زوورپۆست میوانانی سه رهێڵ






ئەحمەد بەگی کوڕی فەتاح بەگ

حەمدی

  

شاعیری نیشتیمانپەروەرو کەسێتی ناسراوی کورد (ئەحمەد بەگی کوڕی فەتاح بەگ) ناسراو بە (حەمدی) ساڵی ١٨٧٦ لە شاری سلێمانی لەدایکبووە.
حەمدی ناوی تەواوی ئەحمەد کوڕی فەتاح بەگی حاجی ئیبراھیم بەگی مەحمود بەگی ساحێبقڕان-ـە، ھەر لە منداڵییەوە دەستیکردووە بە خوێندن‌و لە قوتابخانەی سەرەتایی‌و روشدیەی عەسکەریی‌و مزگەوتەکان دا خوێندویەتی، لە خوێندن دا زۆر زیرەک بووە، ھەر لەمنداڵیەوە ئارەزووی شیعری ھەبووەو حەزی لە شیعروتن کردووەو ساڵی ١٨٩٢ لە تەمەنی ١٦ساڵی دا یەکەم شیعری وتووەو بەردەوام بووە لە سەری تا ساڵی ١٩١٥ کە ساڵی داگیرکردن بووە.
حکومەتی ئەو سەردەمە ماڵەکەی داگیرکردووەو ھەر بەو بۆنەیەوە کتێبخانە گەورەکەی سووتاوە بەمەش ھەوڵ‌و تەقەلای بیست‌و چوار ساڵی لەکیسدەچێت، ئەحمەد بەگی ساحێبقڕان لە شیعردا نازناوی (حەمدی) بۆخۆی‌ھەڵبژاردووە.
ئەم شاعیرە مرۆڤێکی خاوەن بیروباوەڕ بوو، رێگاو رەوشتی تایبەت بەخۆی ھەبووە، بۆ پاراستنی ئەمەش ئازاری زۆری چەشتووە، لە سەردەمی تورکەکان دا بەدرێژایی تەمەنی بیروڕاکانی بەپێچەوانەوەی شێخی نەمرەوە بووەو بەربەرەکانی کردووە، سەرئەنجام کاتێک ئینگلیزەکان لەگەڵ شێخ مەحمود تێکچوون، شێخ داوای یارمەتی لە حەمدی کردووە ئەویش کە زانی ئیشوکار بەراستی دەڕوابەڕێوەو لە بەرژەوەندی گەلی کورد دا لەگەڵی رێککەوت‌و یارمەتیدا، کاتێک کە شێخ یش بەدیل دەگیرێت‌و بەبرینداری رەوانەی بەغدا دەکرێت، پاشان رەوانەی ھیندستان دەکرێت، حەمدی شاعیریش روو لە کەژو کێوەکانی کوردستان دەکات‌و مەردانە خێزانەکەی شێخی نەمریش دەرباز دەکات.
حەمدی گەلێک نەھامەتی‌و ئازاری لەپێناوی گەلەکەی دا چەشتووەو ھەموو سەروەت‌و سامانی لەو پێناوەدا دانا، تا لە شەوی پێنجشەممە ١٩٣٦/١١/١٢ دا بەھۆی وەستانی دڵەوە کۆچیدوایی کرد.



شاره زوورپۆست بنێره بۆ هاوڕێکانت ئه‌م لاپه‌ره‌ کۆپی بکه‌ شاره زوورپۆست بکه به ده ستپێک
مافی پارێزراوه‌ بۆ ماڵپه‌ڕی
www.Sharazurpost.com
Copyright 2010-2012  Sharazurpost.Com. All rights reserved. Created by | Webmaster